ამოსული ცომი - 350 გრ;
სოსისი - 3 ან 4 ცალი;
ბოსტნეული - პამიდორი, ბულგარული, ბროკოლი, სოკო ..
ყველი - სურვილის მიხედვით (მე თხის, გამომშრალი ყველი გამოვიყენე);
ზეთი;
ინვენტარი: კულინარიული დაფა;
მომზადების დრო: 10-15 წუთი, ცხობის დრო - 10 წუთი.
მომზადების წესი: აქ რამდენიმე იდეას წარმოგიდგენ, მომზადებისას თქვენც გაანებივრეთ თქვენი ოჯახი ვარიაციების სიმრავლით:
1. ცომი გაყავით 3 ან 4 ნაწილად;
2. პიცა-პურის მოსამზადებლად ცომს მიეცით ოვალური ფორმა, სიგრძით 2-3 სმ-ით გრძელი, ვიდრე სოსისი და სიფართით 5-7 სმ (ყველაზე ფართე ნაწილში), გადაუსვით ზეთი;
3. დადევით მოხარშული და შეგრილებული სოსისი ცომის შუაგულში, მოაწყვეთ სოკო და პამიდორი ირგვლივ, გადაიტანეთ სიმინდის ფქვილ მოყრილ საცხობ ფურცელზე, შედგით წინასწარ გახურებულ ღუმელში;
როცა თითქმის მზად იქნება, ანუ ცომი გამოცხვება - დაამატეთ ყველიც. ადროვეთ კიდევ 2-3 წუთი და გამოიღეთ ღუმლიდან;
გამოცხობამდე: 
ესეც გამოცხობის შემდეგ: 
ასევე, შეგიძლიათ სოსისი და ცომი "ჰოთ-დოგად" მოამზადოთ..
1. გადაახვიეთ 2-3 სმ სიფართის გრძელი ცომი მოხარშულ სოსისს, ისე რომ მთლიანად არ დაფაროს, გადაუსვით ზეთი და შედგით შუმელში;
2. ასევე შეგიძლიათ გაშალოთ ცომი, ზედ დადოთ მოხაშული სოსისი და ცომის 2 გვერდი ამოკეცოთ, ისე რომ მხოლოდ სოსისის ბოლოები ჩანდეს, გამოაცხვეთ.. შემდეგ შუაზე გაჭერით და სუფრასთან მიიტანეთ მდოგვით და ბოსტნეულით. 
დამატებითი ინფორმაცია
ვთვლი, რომ ბავშვებისთვის საკმაოდ გემრიელი ლანჩია. ქუჩაში ნაყიდ ჰოთ-დოგს ნამდვილად ჯობია, თან ბოსტნეულით გამრავალფეროვნებაც შესაძლებელია
|