მავნე პროდუქტები, რომლებიც ბავშვებს არ უნდა აჭამოთ! - 5 აგვისტოში 2012

საქართველო

მთავარი » » მავნე პროდუქტები, რომლებიც ბავშვებს არ უნდა აჭამოთ!

11:09 PM მავნე პროდუქტები, რომლებიც ბავშვებს არ უნდა აჭამოთ!
ყველამ კარგად იცის, რომ ნახევარფაბრიკატებით ბავშვების კვება არ შეიძლება და საერთოდ, ისინი არც დიდებისთვისაა რეკომენდებული. რაც უფრო ნაკლებად გამოიყენებთ მათ, მით უკეთესია, თუმცა ხშირად მშობლებს, უბრალოდ, დრო არ რჩებათ გემრიელი კერძების მოსამზადებლად, განსაკუთრებით საღამოს, დამღლელი სამუშაო დღის შემდეგ. ნახევარფაბრიკატები კი ამ დროს სწორედ რომ მისწრებაა - იაფიც არის და სწრაფადაც მზადდება. მშობლებმა აუცილებლად უნდა გაითვალისწინონ, რომ არავითარ შემთხვევაში არ შეიძლება ბავშვებისთვის სოსისებისა და ძეხვეულის ბოროტად გამოყენება. ამ სუროგატულ პროდუქტებში ხორცი მინიმალური რაოდენობითაა, სოიო, სახამებელი და სუნელები კი ბავშვის ორგანიზმის ზრდისთვის აუცილებელ ნივთიერებებს არ შეიცავს. ნაზი ვარდისფერი შეფერილობის მისაღებად ბევრი სახეობის ძეხვს გვარჯილას უმატებენ. საქმე ის არის, რომ ქიმიური დანამატების გარეშე ძეხვეულს სულაც არ ექნებოდა მიმზიდველი და მადისაღმძვრელი იერი. ისინი ისეთივე ფერის იქნებოდა, როგორიც ჩვეულებრივი მოხარშული ხორცია. დიდი რაოდენობით გვარჯილამ შეიძლება სხვადასხვა დაავადება გამოიწვიოს - კუჭ-ნაწლავის ტრაქტის დასნებოვნებიდან დაწყებული, ონკოლოგიური დაავადებებით დასრულებული. ძეხვეულში ასევე უმატებენ არომატიზატორებს, სტაბილიზატორებს, კონსერვანტებს. ნატრიუმის ნიტრატი, რომელსაც ძეხვეულში უმატებენ, გაცილებით ნაკლებია იმ სახეობაში, რომელიც უფრო მქრქალია და ნაკლებად მადისაღმძვრელად გამოიყურება. საშიშია მკვეთრი შეფერილობის ძეხვეულიც - მათში დიდი რაოდენობითაა საღებავი ნივთიერებები, რამაც შეიძლება ალერგია გამოიწვიოს. თუმცა საშიშროება ამით არ ამოიწურება. ძეხვეული საშიშია მათში დამატებული გემოს გამაძლიერებლების, ტყავის, ძვლებისა და ხორცპროდუქტების სხვა ნარჩენების გამო. გამონაკლისის სახით, იშვიათად, მაგრამ მაინც, ბავშვებს შეგიძლიათ მისცეთ კარგად შემოწმებულ ხორცკომბინატში დამზადებული მაღალი ხარისხის ძეხვი ან სოსისი. კიდევ ერთხელ შეგახსენებთ, დიეტოლოგები დაჟინებით ირწმუნებიან, რომ ბავშვთა რაციონში ამგვარი პროდუქტები რაც შეიძლება, იშვიათად იყოს.
1 2 3 4 5 კატეგორია: ბავშვებისთვის \| ნანახია: 795 \| დაამატა: gio-tevdorashvili \| რეიტინგი: 0.0/0